HOME

Jeugdprins Jordi I

Jeuugdprinses Janou I

Wae sjtèlle os väör……

Prins Jordi 1 vanne Lemkes.

In ut dagelikse laeve heit ich Jordi Vissers. Ich hub nog ein breurke en ein zöske. Dit jaor bin ich de zesentwintigste jeugdprins vanne Lemkes gewaore. Dao bin ich erg greuts op. Veural omdet ich de ierste jeugdprins waer dae dit saame mit ein jeugdprinses moog doon.

Ich bin gebaore en getaoge in Häör en bin eine echte vastelaovesvierder. Det hub ich van gein vraemdje. Mien pap zitj in de groeate raod van ellef en mien mam helptj altied mit ut maake van denskes en optraejes veur de Kinjerbontemiddig.

Ut waas eine groeate wins van mich om jeugdprins vanne Lemkes te waere.

Dae wins is gelökkig oetgekome. Wie Wil en Han biej mich veur de deur stonge, wist ich neet miër wie ich ut haaj. Natuurlik hub ich sjnel Jao gezag.

Ich zit inne klas biej juf Ria en juf Margot.

Verder hub ich ut erg drök mit tromme biej de sjutterie en voetballe biej KSV Häör. Dao bin ich de spits biej D1. En as ich den nog ein bietje tied euver hub bin ich aan ut laeze of zit ich achter de computer.

Prinses Janou 1 vanne Lemkes.

In ut dagelikse laeve heit ich Janou Verstegen. Ich hub ein breurke. Verder hubbe wae pas ein nuuj höndje gekraege. Eine Golden Retriever dae Max heitj. Ich bin erg bliej mie mien pap en mam. Want die sjtaon deze vastelaovendj altied veut mich klaor.

Ich bin dit jaor de ierste jeugdprinses vanne Lemkes gewaore. Det is veur mich ein groeate ier. Ich zal erg geneete van al ut vastelaovesgeklater. Saame mit jeugdprins Jordi 1 wil ich der eine geweljdige tied van gaon maake.

Verder zit ich op streetdance. In miene vrieje tied hub ich hiël veul hobby’s. Ich zal der ins ein paar opnumme: trampoline springen, laeze, computeren, sieraden maake, boete sjpele, skaten , kleier kaupe inne sjtad. Auch kin ich good kaoke. Mien specialiteite zeen champignonsoep en gehaktjbelkes mit Sjpaanse paepers. Gae snaptj noe waal det ich mit zo’n drök laeve aaf en toe mot oetsjlaope toet aan de middig.

Noe witj gae al hiël veul van os en toet besjloet zégke wae:

Beste Lemkes en Sjaopsköp, wae wille der saame mit uch eine geweljdig sjoeane vastelaovendj van maake en det ònger ozze prinselikke liefsjpreuk:

Met os es ieërste Häörder prins en prinses,

wurdj deeze vastelaovendj zeker ein groeat succes